Purgi i Mè Pecads (Nanni Svampa canta Bassens)
 
Mi g’havevi mai diit grazie a nissun, nanca a un comenda,
ma de un poo de temp dixi mai de no, la me comanda.
Seri un can bastard, la me fa mangiar cont la bavuça,
drœvi nanca i dents, mangii tuts i dì polenta e pocia.
 
Purgi i mè pecads cont un bambolot qe la fa “uhè” quand ta la toqet,
purgi i mè pecads sota un bambolot qe la dix “mhè” quand ta la sqiçet.
 
Seri dur de cœxer, lee la m’ha condid, bojarda e falsa,
quand sont borlad dent comè un narigiad ind la soa stanza.
La g’ha i dents de lait quand la dix de sì e quand la canta,
la g’ha i dents de lov se la dix de no e la se imponta.
 
Purgi i mè pecads cont un bambolot qe la fa “uhè” quand ta la toqet,
purgi i mè pecads sota un bambolot qe la dix “mhè” quand ta la sqiçet.
 
Foo quell qe la vœl, neti i paviments ai dex de sira,
l’è jelosa istess, mi soo no perqè, ‘sta bruta stria.
Quand per rider g’hoo diit: “Varda i noste violette! va’, qe belleza !”.
“Plussee bei de ti !”, me i’ ha spetaçade cont la çavata.
 
Purgi i mè pecads cont un bambolot qe la fa “uhè” quand ta la toqet,
purgi i mè pecads sota un bambolot qe la dix “mhè” quand ta la sqiçet.
 
G’è plu nient de far l’è rivad el moment del sacrifizi,
dixen tuts insì qe l’è el mè destin, el mè suplizi.
Ge n’è qe stann mei ma a vardar-s indree e a far la cunta
ge n’è insì qe stann anca pej de mi … porta pazienza !
 
Purgi i mè pecads cont un bambolot qe la fa “uhè” quand ta la toqet,
purgi i mè pecads sota un bambolot qe la dix “mhè” quand ta la sqiçet.