Salida (La Cantina di Ermete)
 
Zocoi qe i camina e i leva su la terra,
aigua jo qe corr e bat prede,
e i sbrof e i vapor e de cascade un grand romor.
I cavai qe i suda e le vox dei om,
sul senter del bosc ram e foie,
fadiga de rampada qe sumeia de mai rivar.
 
Speita qe ven for un poo de Sol,
dai cercom un prad per fermar-s,
saltom jo dal caval fin doman !
Tœ su un poo de legna del mont
un muciet l’è assee per una noit.
Tœts intoren a'l fœg a scaldar-s !
 
Ombre qe se slonga, el Sol al dorma,
stelle qe se impiza, bell veder,
e falie e calor e vin qe al scalda el freid de la val.
Sona una qitarra e i om qe i canta,
i scarpon qe i gola, le s’ciete,
a ballar su la terra
tœta la noit fina qe ven ciar.
 
Sota qesta Luna qe cress
varda qe bell prad per fermar-s
fom polsar i cavai fin doman !
Basta un poo de legna del mont,
un muciet l’è assee per una noit.
Tœts intoren a'l fœg a scaldar-s !
 
Quand qe el gall al canta a'l dé qe al riva
I braç i se stira, som tœts qé.
Metom torna i scarpon e dai qe am va a rampigar-s fin là ! 
I cavai qe i suda e le vox dei om,
sul senter del bosc ram e foie,
fadigosa salida ma l’è bell insema a caminar.
 
Va jo el Sol tra un poo farà fosc,
dai cercom un prad per fermar-s,
saltom jo dal caval fin doman !
Basta un poo de legna del mont
un muciet l’è assee per una noit.
Tœts intoren a'l fœg a scaldar-s !
 
Basta un poo de legna del mont
un muciet l’è assee per una noit.
Tœts intoren a'l fœg a scaldar-s !