Ol Barqirœl (Musega e elaborazion : Francesco Magni, test : Piero Collina)
 
Ol Barqirœl...
Ol Barqirœl al ponta ol rem e staca
la barca de la riva stand in pee,
cont la palada molla e quasi straca 
qe g'hann i barqirœl quei de mester,
vuna su l'oltra, l'è jà bella dent, 
cont su quei tri pover diavol, musonent.
 
E ol lag...
Ol lag comè un lenzœl net de bugada 
d'un leit matrimonial, apena fait,
cont dent dei toc de luna inarjentada,
al pareva gnanca qe 'l fudess bagnad,
se l'era minga per i gote dei rem, qe a cent a cent colaven jo 'mè jem.
 
Cociada ind la barca la Lucia la caragnava pian, ind un canton,
e la vardava i so montagne sot via, qe ge pareven quasi dei persone !
Comè se fussen tute...so compagne.
Ma adess, eren plu so, quei so montagne. 
  
E ol lag...
Ol lag comè un lenzœl net de bugada 
d'un leit matrimonial, apena fait,
cont dent dei toc de luna inarjentada,
al pareva gnanca qe al fudess bagnad.