SOTA LE RŒSE BIANQE (C. Cinelli)
 
Sota le rœse bianqe
la bella la va a spass,
plœ de le rœse bianqe
i è bianc i sò bei braç.
 
Ind el jardin de sò pader
salta fœra tri lader,
tri lader cont i barbix
qe i la tœl sœ de sfruss.
 
El plœ cativ dei tri
al ge dix sota vox:
"Salta sœl cavall grix
qe mé sont el to moros".
 
Rivads a l'osteria,
l'ostera la ge fa:
"Seet qé per compagnia,
o t'ha-i robad de cà ?"
 
"Ind el jardin de mè pader
i m'ha tœlt sœ tri lader,
tri lader cont i barbix
in cima un cavall grix".
 
Ma fenid de cenar,
Bianca la borla jo.
L'è ja ind el mond de là,
e no la leva plœ sœ ...
 
Però dopo tri dé
la bella la se leva.
la corr del sò bobà,
qe al fa grand maravea.
 
"Dervì-m, dervì-m la porta !
Lassì-m miga fœra a'l scur !
Tri dé g'hoo fait la morta
per conservar el mè onor.
 
Sota le rœse bianqe
la bella la va a spass.
Plœ de le rœse bianqe
i è bianc i sò bei braç.