Pan, buter e confitura (Mario Del Don)

Guardi su l'orloj i’è i cinq e vot, spacade,
in perfeit orari el tren l'hoo fermad,
trema la stazion, scota i fren dei vagon,
rumor strepad, smorzad del tant viajar.
Sbassi el finestrin, fa freid voo jo a veder,
sont l’uneg maqinista qì in sul marciapee.
A infili su el capot, l'è passada anca 'sta noit tra un poo voo a cà,
mmmm senti ja el bon profum … de distant ‘nsema a un quaidun.

Pan buter e confitura e 'na taza de cafè col lait.
(BIS)

Slongi el pass el temp al scapa qì in stazion,
ind i oregie martella el ritm dei vagon,
treni senza etaa, cigarete fumade a mitaa,
desmentegade in mez a tant viajar.

A se smorza i lux el dì al s'è ja inviad,
se piza el qiosc cont i jornai impaqetads,
se disseda anca el bufet
e i postin in sul marciapee i’è adree a speitar el prim diret de scargar
e mi invece de ‘ndar a cà…

Pan buter e confitura e 'na taza de cafè col lait
(BIS)

Trop binari qe se perd in galleria,
trope valixe qe cerca la bilieteria,
vœia de scapar su in stazion, deslassom ‘ndar a far colazion
mmmm … senti ja el bon profum
de distant ‘nsema a un quaidun...

Pan buter e confitura e 'na taza de cafè col lait
(BIS)