FAR LOMBARD associazion per la lengua lombarda

FAR LOMBARD a l’è una associazion regolarment costituida.

 La finalitaa specifega de l’Associazion FAR LOMBARD l’è streitament pratega : realizar e divulgar dei scriits de interess editorial e dei audio-video in lengua lombarda, esclusivament per mez de l’ortografia polinomeg-local Scriver Lombard (SL) (L. Brasca, 2011-2015, ed. Menaresta). 

 Per la realizazion de qei scriits qì, i associads se impegnen a andar-g adree ai consili dei esperts associads (ativista de formazion academega – çoè PhD, MPhil e students de dotorad in lenguistega, sociolojia del lenguaj e filolojia – qe, in qualitaa de autor, habien publegad literatura scientifega dovè qe g’è manifestad un patent suport e auspici per una politega de recognossiment e revitalizazion de la lengua lombarda). Per quell qe concern i cerne ortografege, l’Associazion la g’ha per referiments domà el test Scriver Lombard (L. Brasca, 2011-2015, ed. Menaresta) el dizionari online dizionari.lombard  http://dizionarilombard.eu5.net

 Conforma un aproç ‘polinomeg’, cont ‘lengua lombarda’ l’Associazion l’intend l’insema dei varietaa locai romanze storegament parlade in tute i province aministrative de la rejon Lombardia, ind la totalitaa del territori aministrativ dei province de Novara e VCO, ind un quai comun de la provinça de Lissandria e del Garda verones, ind la totalitaa del canton Texin in Svizera, ind i vall Grixone del piovent meridional alpin in Svizera, e ind el Trentin ocidental. Intra i varietaa de la lengua lombarda elencade qì de sora e destinatarie de l’interess e ativitaa de l’Associazion, g’è inclus i insì-ciamade “varietaa de transizion in vers ai lengue confinant”, parlade ind una quai localitaa de confin a l’interna de l’area definida qì de sora.

 L’Associazion la promœv ogni varietaa oral local del lombard, del moment qe çascuna a l’è espression istessament importanta de la lengua lombarda. 

 La lengua veicolar ind i reunion e ind i ativitaa de l’Associazion l’è el lombard. 

FAR LOMBARD, ASSOCIAZION PER LA LENGUA LOMBARDA 

Associazion culturala senza proposit de guadagn, iscrivuda a'l n. 437 del rejister provinçal dei associazion.

Codex fiscal n. 91592140155 (L.R. 1/08 e della D.G.R. n°4331 del 26/10/2012)

BIC : BCITITMM

FAR (verb) : mi foo, luu al fa, nun fem... E ti ? 

Share this page