Milan, piaza Citaa de Lombardia, indov g'è el palaz de la Rejon.

Una cà in su la Contrada del Mercad, a Com.

Qell sit qé l'è stait fait per imprender la Lengua Lombarda (ISO 639-3 lmo). Al vœl mostrar dei esempe de variant lombarde, scrivide con l’ortografia polinomega-locala proponida ind el liber “Scriver Lombard” (L. Brasca), qe al se trova in su la red e al pœl vesser lejid a qell ligam qé: "Scriver Lombard

El Lissander Brasca l'ha elaborad l'ortografia polinomega "Scriver Lombard" e l'ha spiegad i so fondaments ind el liber "Scriver Lombard" e ind i so presentazion publege. Varda qì un contribut video del prof. Marco Tamburelli.

Podii trovar informazion in sul sit in_lombard dedicad a la lengua lombarda, cont un œgg particolar a la pianificazion lenguistega e donca ai procediments qe pœnn segurar-g un avenir ind la socetaa moderna.

La varietaa doprada ind le lezion video la se parla ind el nord de la provinça de Cremona e l’è vixina un poo a'l Cremasc, a'l Bergamasc e a'l Bressan. L’ortografia l’è qella de la koinè lombarda qe l’è adree a vesser desvilupada.  El dizionare de riferiment, al se trova in su la red a l’adress http://dizionarilombard.eu5.net.

Per princiapiar a imprender un poo de lombard, su qell sit qé trovii quindex lezion video. Podii trovar dei olter video in lengua lombarda in sul canal Youtube de "Neque Tamen".

Pœ g'è i episode de "La Vitoria dei Romanenges", un poemet del 1500 voltad in lombard dal latin, qe al cunta su dei faits sudedids in qei agn là de le noste bande.

G'è cinq storie, dei Fradei Grimm e de Andersen, per tœts qei qe ge piax i favole.

G'hiiv sentid parlar del Lag Gierond? L'è un lag legendare lombard qe adess al g'è plu. Se volii cognosser la storia vardii el video ind la sezion "Lag Gierond".

Ind la sezion "Proverbe a toqei" g'è dei "puzzle" qe a la fin i fa veder dei proverbe in lengua lombarda.

Ind la sezion Wiki-toqei trovarii i video faits in sui articoi ciapads de la wikipedia in lengua lombarda.

Una manera per imprender la lengua lombarda l'è anca qella de visitar la pajina FB curada del Gianluca Zanchi "Impariamo il bergamasco", indov la ortografia SL l'è confrontada cont qella del Ducat.

In collaborazion cont Far Lombard, Associazion per la lengua lombarda.

 

dialetto milanese, lingua milanese